Maite Perroni është një nga aktoret kryesore të serialit latin Rebelde. Një serial i cili tërhoqi shumë adoleshentë e të rinj. Emrat e tyre u bënë të pa harrueshëm për fansat e tyre jo vëtëm për rolet, por edhe për grupin muzikor që ata formuan. Maite u bë një nga femrat latine më të dashura për publikun edhe në disa telenovela të tjera që u transmetuan, ku luante në krah të super yllit latin William Levy. Por prej një kohe të gjatë Perroni nuk është shfaqur në ekran. Pas telenovelës më të fundit, e cila ishte më tepër në zhanerin e komedisë “Antes Muerta que Lichita” ish-RBD ka nisur një turne muzikor. Muzika është një nga prioritete e saj. Kjo është një nga arsyet pse Maite do të qëndrojë larg telenovelave për një periudhë të pa caktuar kohore. / Gazeta Express
