“Një ditë me Almeda Abazin” ishte këtë pasdite një speciale e “Pasdite në Top Chennel” për të sjellë pranë publikut shqiptar më shumë nga jeta e aktores së njohur, e cila dy muaj më parë kurorëzoi në martesë lidhjen e saj dyvjeҫare me aktorin e njohur turk Tolgahan Sayışman.
Prej pak ditësh, ҫifti është kthyer në Stamboll pas një muaji të gjatë pushimesh në Los Angeles dhe gjatë kësaj kohe, po studiojnë projektet e reja artistike. Për disa vitesh në Stamboll është zhvendosur edhe familja e Almedës. Nëna e saj, Albana, ka rreth një dekadë që merret me turizëm. Ajo tregon se i mungon shumë Shqipëria dhe se do të donte që të ishte më shpesh këtu për të takuar të afërmit dhe miqtë. E pyetur nga Erblini, se ҫ’mendim ka për dhëndrin e ri, ajo tregon se është shumë e lumtur për fatin e së bijës, por e dëshpëruar pak që nuk e ka më në shtëpi. Siҫ tregon ajo, derisa u martua, Almeda rrinte në shtëpi me të dhe me të motrën.
Ndërsa vjehrra, e cila nuk ka dalë kurrë më parë në ekran, tregon se këtë po e bën për herë të parë vetëm për Almedën: “Nuk kam dalë asnjëherë në një intervistë televizive, është hera e parë që dal para kamerave, as për Tolgan nuk e kam bërë. Po e bëj për hatër të Almedës…. “ – tregon vjehrra.
E pyetur si është Almeda si nuse, ajo tregon se nuk e ndan për asnjë moment nga vajza e saj: “Almedën e njihja më parë nga programet televizive, por kur e njoha nga afër, kuptova se ishte shumë e bukur. E dua shumë, kam edhe një vajzë në moshën e saj, por nuk e ndaj nga vajza ime. Ajo nuk është vetëm një vajzë e bukur, por ka edhe shpirtin e bukur. Ditën që Tolga na tha se do të martohet me Almedën, ishta dita më e bukur e jetës sonë…”
Edhe Almeda tregon se ka një marrëdhënie shumë të mirë me familjen e Tolgas dhe një lidhje unike me të ëmën, e cila ka qenë gjithmonë aty, sa herë ajo ka pasur nevojë./revistaclass
