E mbani mend taksistin simpatik i cili kishte gjetur një kuti syzesh me një shumë të caktuar parash brenda saj, në makinën e tij dhe që kërkonte pronaren e vërtetë? Ai është shfaqur sërish ditën e sotme dhe ka dërguar një mesazh në redaksinë e Jeta Osh Qef, ku bën me dije se ka arritur më në fund të gjejë pronaren e vërtetë të sendit të humbur. Ajo është një zonjë e nderuar, ndërsa mbajtësja e syzeve dhe paratë i kishin humbur së bijës. Megjithatë, shoferi ka një mesazh për të gjitha ato vajza që ia “kanë çarë” telefonin duke u munduar që të gjejnë passwordin dhe të përfitojnë nga paratë që ai ka gjetur. “Jam ai shoferi i taksisë që gjeta mbajtësen e syzeve optike dhe lekët. Një lajm i hidhur për të gjitha ato vajza që kanë 3 ditë që e çanë telefonin tim duke futur passwordin. Pronarja u gjet. Kjo zonjë e nderuar, sepse ishte me plot kuptimin e fjalës zonjë, donte që unë të shkruaja diçka në vend të saj. (Kjo vlen për të gjithë ata kritikët duke aluduar jo për dashnore apo për reklamë taxie). Fjalët e zonjës: Shumë duan të bëjnë mirë në këtë jetë, por janë të paktë ata që e realizojnë”, – shkruan taksisti human.
