Disa vargje mjaft prekëse janë shkruar për deputetin e ndjerë Sokol Olldashi, të ndarë nga jeta vite më parë në një aksident rrugor. Ish-drejtori i Përgjithshëm i Policisë si dhe ish-drejtori i hetimit Tatimor Ahmet Prençi ka botuar për herë të parë vëllimit poetik “Udhë në pasqyrë”, ku i ka dedikuar disa vargje ish-deputetit. Në promovimin e librit, mes shumë artistëve, deputetëve, e miqve të ish-kryepolicit, ka qenë edhe nëna e ish deputetit, Kozeta Mamaqi e cila ka marrë librin edhe me autograf nga autori ish prokuror, siç shihet nga fotot e “News Bomb”. Një vlerësim për këtë libër e ka dhënë edhe politikani e shkrimtari Besnik Mustafaj i cili ka mbetur i surprizuar nga delli poetik i Prençit. “Kam pas fatin ti lexoj në dorëshkrim dhe në libër, e akoma më shumë më kanë pëlqyer tani. Guxoj ta them me plot gojën që në këtë libër, Ahmet Prençi është poet . Kam parasysh Naim Frashërin, kryecensori i perandorisë Otomane, dhe Ahmeti kryepolici i Shqipërisë, dhe të kesh ndjeshmëri, të kesh imagjinatën që shkon kundër profesionit, ka nevojë për një fuqi shumë të madhe, ndjeshmëri të lartë e një lloj pavarësie ndaj punëve që kryen se Ahmet Prençi ka qenë prokuror, kryepolic dhe tani inspektor për kontrollin e pasurive”, thotë Mustafaj.
