Ai është padyshim një nga këngëtarët më të mirë të rrymës RnB në Shqipëri. Bëhet fjalë për Ernest Dukën, ose Stinen siç e njohin të gjithë, i cili sot është bërë nostalgjik dhe ka postuar një foto nga performancat e tij skenike.
Përveç stilit të veçantë në look e muzikë, Stine i ka shoqëruar gjithnjë performancat dhe klipet e tij me balet, njëlloj si në këtë foto që ka shkëputur nga Top Fest.
Për të gjithë ata që e kanë harruar kantautori ka qenë fituesi i çmimit të parë të edicionit të parë të Top Fest, si dhe fitues i shumë çmimeve të tjera në këtë festival e të tjera evente muzikore.
Suksesi i tij i fundit është hiti “Çifti simpatik”, kënga fituese e çmimit të diskografisë në Kënga Magjike si dhe çmimi i dytë në spektaklin e kërcimit “Dance with Me”.
