Angelina Jolie ka folur për herë të parë në publik për ndarjen e dhimbshme nga Brad Pitt dhe efektet që ajo ka sjellë tek 6 fëmijët.
Ylli hollivudian ndodhet momentalisht në Cambodia me fëmijët për të promovuar filmin e ri. Ajo është përlotur në momentin që është pyetur për jetën e saj personale gjatë një interviste të dhënë për “BBC News”.
“Nuk dua të flas shumë rreth kësaj ndarjeje përveçse të them që ishte një kohë shumë e vështirë por ne jemi një familje dhe gjithmonë do të jemi një e tillë”- ka thënë ajo shumë e emocionuar.
“Ishte shumë e vështirë. Shumë njerëz e gjejnë veten e tyre në këtë situatë. E gjithë familja ime ka kaluar një kohë të vështirë. Ne jemi dhe gjithmonë do të jemi një familje dhe kjo është mënyra se si po e përballoj. Po i bëj ballë situatës duke gjetur një mënyrë të mesme dhe duke u siguruar se kjo gjë na bën ne më të fortë dhe më të afërt”- ka përfunduar ajo./topalbaniaradio
