FOTO/ Këngëtarja shqiptare rrëfen të vërtetën e operacioneve plastike: “Më kanë deformuar”

Ndërhyrjet plastike janë një nga temat më të përfolura në jetën e përditshme. Shumë prej personazheve të njohur, me qëllimin për t’u dukur sa më perfekt, i janë nënshtruar operacioneve plastike, si një zgjidhje afatgjatë. Por në të vërtetë rezultatet ndonjëherë na zhgënjejnë ose thjesht na merr befas emocioni për të bërë një ndryshim në “look”. Një rast i ngjashëm është ai i këngëtares së njohur shqiptare Jolanda Dhamo. Ajo ishte e ftuar te Rudina Magjistari për të promovuar klipin e saj më të ri që mban titullin “Falmë”. Ndonëse këngëtarja gjithmonë e ka thënë haptazi që ka kryer operacion plastik në buzë, gjithashtu shprehet: “Ka qenë gabim, më mori edhe mua rryma. Para 6 vjetësh, unë mund të kem qenë e treta, e katërta, por e para që e kam thënë hapur. Kur vjen puna për ta deklaruar, del Jolanda e para, sepse askush nuk e pranon. Gjithsesi, unë nuk e bëj për të fituar pikë, por e vërteta është e vërtetë. Të mos arrijnë deri këtu kurrë. Nga ai operacion unë nuk u bëra më e bukur, thjesht më kanë deformuar.”