Kjo javë mund të quhet pa dyshim java e Kylie Jenner dhe vajzës së saj të porsalindur. Pas lajmit se Kylie u bë nënë rrjeti po ziente nga aludimet lidhur me emrin që do i vihej vogëlushes. Ishte vetë 21- vjeçarja e cila zbuloi se të voglën e saj e pagezoi me emrin “Stormi”. Por çfarë dhurtash mori Kylie ditën që solli në jetë vajzën e saj. Nëpërmjet postimeve në “Snapchat” ajo ka treguar disa prej tyre, ku mbizotëronin lulet.
Mes shumë lulesh të bëra dhuratë, buqeta e Kim dhe Kanye ishte më e veçanta, e cila shoqërohej me një kartolinë ku shkruhej: “Mami Kylie, ju ja dolët. Unë jam shumë krenare për gruan që je bërë dhe e di se do të jesh një mama e mirë për vogëlushen tënde. Vajzat tona kanë vetëm 2 javë diferencë dhe mezi po pres që të jenë shoqe të ngushta. Jam shumë krenare për ty, jetoje jetën siç dëshiron, tashmë je një nënë. Të dua”- ka shkruar Kim. Ndërsa në kartolinën e Kourtney shkruhej: “Ëngjëlli im i bukur mirëseerdhe në botë. Ke shumë kushërinj që presin të luajnë me ty. Të dua”./revistawho.com
