Nuk është e pazakontë që njerëz të ndryshëm të duan t’u ngjajnë personazheve të njohur apo idhujve të tyre dhe për këtë kanë guxuar dhe kanë bërë disa ndërhyrje plastike , zgjidhja e vetme që mund t’ua realizojë ëndrrën. Megjithatë, disa fansa i kanë kaluar shpesh kufijtë dhe janë transformuar për t’u dukur identik si personazhi që duan t’i ngjajnë.
Në shkurt të këtij viti, Tiffany Taylor vendosi t’i nënshtrohet plastikës, disa herë, për t’u dukur si Ivanka Trump. “Më pëlqen shumë pamja e saj klasike”, – thotë Taylor për PEOPLE. “Ajo ka shumë gjëra elegante dhe të këndshme në fytyrën e saj”. Pas 8 muajsh ajo tregon se shpenzoi 60.000 mijë dollar për tu dukur si vajza e presidentit Trump. Tiffany Taylor ka bërë ndërhyrje në buzë, gjoks, hundë dhe tërheqje lëkure. Ajo tashmë ndihet e lumtur me veten e saj dhe nëna e 3 fëmijëve ndihet gati të nisi karrierën në botën e biznesit.
