Klea Huta është moderatore, ndërkohë shpesh e shohim me role në teatër, e po ashtu e kemi dëgjuar të këndojë në raste të ndryshme. Ajo nuk e ka fshehur asnjëherë pasionin për muzikën. Madje ka dhuruar performanca në skenën e spektaklit “Gjeniu i vogël” ku është në rolin e moderatores. Por sivjet Klea e ka ndarë mendjen. Ajo tanimë do të prezantohet zyrtarisht si këngëtare. Në profilin e saj të IG bukuroshja flokëzezë ka njoftuar se do të konkurrojë në festivalin “Kënga Magjike” bashkë me grupin “Alar Band”. Suksese!
