Distanca i ndau, por Dr.Flori dhe Rud Gega, arritën ta ruanin miqësine e fortë mes tyre deri në ditën e fundit. Rudi, këngëtar në vitet 2000, tashmë jeton në SHBA. Shumë vite më parë ai pati disa bashkëpunime me Dr. Florin, nga të cilat lindi dhe marrëdhënia e veçantë mes tyre. Sot Rudi ka zgjedhur ta kujtojë Florin me disa biseda në ‘Facebook’, ku i shkruanin njëri-tjetrit me rimë dhe humor. “Free Style me Dr.Florin”-shkruan ai. Menjëherë ka komentuar Landi Hysi: ” Nuk e di ca do jepja për të pa ndonjë simpatik sylesh të kohëve aktuale që mendon se di me lidh tre fjalë bashkë, të ndeshej me të në kshu betejash”-, duke vënë në pah edhe një herë talentin e madh që kishte Flori.
