Moderatorja e dashur, Arbana Osmani, duket se ka gjetur mënyrën më të mirë për të vënë në gjumë të voglin e saj, Jon. “Përrallat e Pitilushes” është libri për fëmijë i shkruar nga gazetarja e njohur, Rudina Xhunga dhe nga vajza e saj Alana Hila. Një libër me përralla, për të gjithë fëmijët, kur ndërthuren fantazitë dhe kuriozitetet e një vogëlusheje me përgjigjet e një të rriture, si mami Rudina. “Alana ka rikthyer fëmijën brenda meje, aq sa ndonjëherë më ngjan si shoqja ime, më tepër se vajza. Nuk kam lexuar shumë literaturë si ta rris fëmijën tim, kam dashur të krijoj personazhe për fëmijërinë e saj. Kur e shoh aq të lidhur pas frozenit dhe sesi fluturon për një pepa pig, më vjen keq. Dua që ajo të ketë përrallat e saj, tipikisht shqiptare, unike dhe të sajat”, – tha Xhunga në një intervistë gjatë promovimit të librit. Dhe duket se ia ka dalë të krijojë përralla të dashura për të gjithë fëmijët. Arbana e ka falenderuar publikisht atë, duke shkruar se falë këtij libri Jon e bën gjumin më të ëmbël. Tashmë të gjitha nënat mund t’i mundësojnë fëmijëve të tyre një gjumë të qetë, teksa iu lexojnë “Përrallat e Pitilushes”. / revistawho.com
