Kanë kaluar me shume 20 vjet që kur këngëtarja simpatike me flokët e gjatë Enxhi Nini, këndonte “Ti je vetja ime” në skenën e “Festivalit të Këngës”. Ajo sot jeton në Itali dhe është nënë e dy vajzave Mia dhe Adele, me partnerin e saj Gabrielle. Por nuk është martuar kurrë e s’ka bërë dasmë. Siç duket ky ka mbetur një plan i vjetër i çiftit, që më në fund po realizohet. Enxhi Nini do të martohet e do të jenë pikërisht dy vogëlushet e saj që do e shoqërojnë në altar. Lajmin e gëzueshëm e ka dhënë nëna e artistes. Zonja Vjollca Gjoka, valltare dhe spikere, njoftoi në Facebook se dita e madhe për familjen e tyre erdhi. Aktualisht Enxhi performon si violiniste profesioniste në teatrot e skenat më të rëndësishme të botës, ndërsa bashkë me familjen jeton në Piacenza, Itali, qytet ku u njoh dhe me partnerin e saj Gabrielle. Ai ka profesionin e parukierit.
