Ditën e djeshme familja Berisha pësoi një humbje të madhe. Motra e vetme e ish-kryeministrit Sali Berisha u nda nga jeta. Hajrie Osmani ndërroi jetë në moshën 77-vjeçare. Ajo jetonte në Kodër-Kamëz. Me shumë hidhërim, nipi i saj Shkëlzeni shkroi mbrëmë vonë pak rreshta. “Të dashur miq, me hidhërim njoftoj ndarjen nga jeta te hallës sime Hajrie Osmani. Zoti i dhëntë paqe dhe shpërblim për gjithe fisnikërinë,mirësinë, virtytin dhe dashurinë që ka sjellë ne familjet tona çdo ditë të jetës së saj”, shkruan Shkëlzen Berisha. Hajria ishte motra e vetme e dy djemve, Sali dhe Selim Berishën. Ky i fundit është ndarë nga jeta në kohën e komunizmit./ revistawho.com
