Një zë që të magjeps dhe një pamje e vajzës rebele. Kështu e njohëm në fillim Kamela Islamajn kur u shfaq si soliste e bendit të “Top Channel”. Ka kënduar gjithnjë live, duke interpretuar deri në përsosmëri edhe covera të këngëtarëve me shtrirje vokale të vështirë. Pra nga ana profesionale Kamela ishte një mrekulli. Por si një vajzë në të 20at, ajo ishte shumë tip. Me një stil djali dhe pak hipi, flokë të shkurtër e pirsing në hundë, Kamela mund të merrte të gjitha komplimentet e mundshme, por jo si një femër seksi. Ndërsa sot, pas disa vitesh, kur edhe ajo është pjekur dhe shijet i kanë ndryshuar, mund të themi që është bërë një femër e bukur, madje edhe shumë seksi. Pak ditë më parë, ajo u shfaq në një promovim, ku natyrsht të binte në sy për bukurinë dhe shijen në të veshur. Si konkluzion, të gjithë biem dakord për faktin se Kamela tani është një superkëngëtare, por edhe një superfemër./Panorama
