Vetëm pak minuta më parë këngëtarja seksi Çiljeta Xhilaga ka publikuar foton që iu kemi sjellë më poshtë. Në fakt qëllimi i saj ishte të tregonte se sa bukur ia kanë punuar thonjtë. Mirëpo ne na tërhoqi vëmendjen diçka krejt tjetër. Aty ku mbahet unaza, simbol i dashurisë dhe bashkimit në çift, Çili nuk ka ende një diamant, ama ka një shkronjë. Ajo ka gdhendur përgjithmonë në trupin e saj, shkronjën e parë të emrit të djaloshit të cilin dashuron, Alban Hoxhës. Romanca midis këngëtares dhe portierit përflitet prej më shumë se një viti, por këto ditë Çiljeta po tregohet “dorëlëshuar”, pasi më herët ka refuzuar kategorikisht të flasë në lidhje me këtë histori. Ditën e djeshme ajo pranoi përmes një statusi se merr shumë dashuri nga njeriu i zemrës. Ndërsa sot i tregoi të gjithëve “A”-në e saj të çmuar. Pra çifti po jetojnë me siguri ditë të lumtura. Tani duhet të na gëzojnë me një foto bashkë, që t’i japim zyrtarisht “çmimin” si çifti më i bukur shqiptar./ revistawho.com
