Ylli brazilian Neymar ka nisur një diskutim në rrjetet sociale me këngëtarin e famshëm Chris Brown dhe shkaku është interesimi që ky i fundit ka shfaqur për të dashurën e sulmuesit. Lojtari i Barcelonës duket se nuk i ka pëlqyer fakti që Chris Brown nisi të ndjekë në Instagram aktoren dhe modelen braziliane Bruna Marquezine, kështu që përdori rrjetin social për ti dërguar një mesazh këngëtarit.
“Nëse dua të flas me Brunën, duhet ta bëj këtë privatisht. Meqë ra fjala, i vetmi Brown që njoh është Carlinhos”- ka komentuar Neymar.
Përgjigjja e këngëtarit ishte një video e publikuar këtë të shtunë, ku shfaqej Neymar teksa kërcen nën ritmet e një kënge të tij.
