Vetëm pak para përvjetorit të saj të 30-të, blogerja e njohur italiane, Chiara Ferragni, është përballur me një emocion të fortë nga i dashuri i saj, reperi Fedez. Ylli i rrjeteve sociale ka tërhequr vëmendjen e të gjithëve një natë më parë, ndërsa ka marrë live propozimin për martesë nga skena e madhe e koncertit.
Chiara dhe Fedez kanë rreth një vit të lidhur me njëri-tjetrin dhe mbrëmë, ai i ka dhuruar asaj surprizën më të bukur në skenën e Verona-s, në prag të ditëlindjes së 30-të të saj.
Pas performancës, Fedez ulet në gjunjë para saj dhe i ofron unazën. Kaq ka mjaftuar që fashion blogerja të shperthente në lot nga emocionet. I gjithë publiku në sallë shpërtheu nga brohoritjet dhe duartrokitjet për surprizën e madhe.
Pak minuta më vonë, blogerja ndau edhe me miqtë virtualë emocionin e skenës së madhe dhe unazën elegante të fejesës, tipike e një fashioniste-je…
Fotot dhe videot nga ky moment shumë emocionues, i kanë ndarë në rrjetet sociale edhe shumë të pranishëm që e kanë konsideruar mbrëmjen të mrekullueshme./Class/
