Në Hanover të Gjermanisë u zhvillua pak ditë më parë sfilata e vitit. Pjesë e këtij eventi ishte dhe një vajzë e re shqiptare, por mjaft e talentuar. Xhensi Lalaj, bukuroshja nga Tirana, ‘çmendi’ gjermanët me koleksionin e saj të veshjeve. Edhe pse e re në moshë, ajo synon të bëhet një nga stilistet më të suksesshme shqiptare, duke qenë se është shkolluar po në Gjermani, aty ku dhe prezantoi koleksionin e saj të parë. Xhensi ra menjëherë në sy të mediave gjermane. “Stilistja e re, Xhensi Lalaj, i nxjerr modelet e veta si gladiatore të patrembura në rrethin e modës”-ishin këto fjalët e shkruara nga gazeta prestigjoze “Bild”. “Eternity” quhet koleksioni i saj, i gjithi i punuar me dorë dhe i inspiruar nga gladiatorët dhe imperatorët e epokës së Romës antike. Një tjetër shqiptare e suksesshme në arenën ndërkombëtare, që pa dyshim do të na bëjë akoma më krenarë në vazhdimësi!/revistawho.com
