Nuk është thënë kot që secili prej nesh e ka sozinë e tij diku nëpër botë, problemi i vetëm qëndron se a kemi arritur ta gjejmë atë deri më tani.
Sigurisht se edhe fytyrat tona publike kanë sozitë e tyre diku nëpër botë, disa tashmë veçse i kanë zbuluar e disa të tjerë ndoshta janë ende në kërkim të tyre.
Mbrëmjen e kaluar njëri prej reperave më të famshëm shqiptar gjeti sozinë e tij. Bëhet fjalë për Ghetto Geasyn, i cili përmes një postimi në profilin e tij në Instagram na prezantoi me ‘kopjen’ e tij.
Ngjashmëria mes tyre ishte aq e madhe sa që shumica prej ndjekësve të reperit nuk arritën ta vërejnë se në fotografinë e publikuar nga reperi ishte krejtësisht dikush tjetër, raporton Prive.
