Sot në botë kjo ditë është cilësuar si ‘Blue Monday’, e hëna më e trishtë e vitit. Por duket se kjo gjë nuk qëndron aspak për Noizy-n, pasi kjo duhet të jetë një nga ditët më të bukura për karrierën e tij. Ai ka postuar një foto ne rrjete sociale, teksa shihet duke firmosur me një nga kompanitë më të famshme botërore ‘Universal Music Group’. Reperi shprehet se është shumë krenar për këtë arritje dhe do punojë më fort që të bëjë krenar njerëzit dhe vendin e tij. Noizy mbetet një nga reperat më të suksesshëm shqiptarët, por duket se ai ka akoma shumë për të dhënë nga vetja, duke shpresuar për një sukses ndërkombëtar të tijin./revistawho.com
