Seancat e të enjteve në Parlament janë kthyer tashmë në një shfaqje të vërtetë mode. Kryesisht gratë deputete, zgjedhin të parakalojnë në tapetin e kuq përpara Kuvendit me veshjet dhe aksesorët më të mira. Të komentuara për çantat e shtrenjta, syzet apo kostumet luksoze, deputetet shqiptare duket se veç sulmeve e fjalimeve politike, rezervojnë të prezantojnë të enjteve në publik dhe look-un e ri të kuruar. Kështu, e fundit e vënë në objektivin e aparatit ka qenë socialistja Olta Xhaçka e cila si rrallë herë, ka ‘hequr’ kaçurelat e saj historike, për të na sjellë një version më joshës të pamjes së saj. Me flokët e shtrira, transformimi i zonjës Xhaçka ka rënë menjëherë në sy.
