Kryesisht vitet e fundit personazhet e famshëm shqiptarë po i afrohen gjithnjë e më shumë stilit të yjeve botërorë, sa i takon pushimeve. Të shumta janë vajzat seksi të ekranit e muzikës, që gjatë ditëve të ftohta të dimrit, na përshëndesin gjithë dashamirësi me ndonjë pozë modeste nga Maldivet. Ndërsa vera në mos Santorini-t, do t’i takojë përgjithësisht Dhërmiut. Por jo për të gjithë! Ka shumë nga ata, qoftë edhe personazhe të famshëm, që kudo të shkojnë nuk heqin dorë nga besnikëria ndaj Adriatikut tonë të dashur. Po! Si çdo verë edhe sivjet plazhet me rërë që lagin Shqipërinë e mesme janë plot e përplot. Në mesin e pushuesve gjen edhe fytyra të njohura, siç i pikasëm ne këto ditë në Golem. Plazhi historik “Anë deti” që mirëpret pushuesit me hotelin e restorantin e parë (si në kohë ashtu edhe në radhë), pati në shezlonget e tij ish-konkurrenten seksi të edicionit të parë të “Big Brother”. Shumë në formë, Juna Vata po pushonte me miqtë e saj. Po ashtu mbrojtësi i “Partizanit” Gëzim Krasniqi e ai i “Teutës” Erando Hoxha ka zgjedhur sërish Golemin, ndërsa kanë preferuar të qëndrojnë më së shumti në zonën e barit, ndoshta për të biseduar të qetë larg syve kuriozë./ revistawho.com
Ne foto: Futbollistet shqiptare Gezim Krasniqi e Erando Hoxha
Ne foto: Juna e “Big Brother” me miqte e saj
