Mbrëmjen e së martës “Top Channel” ka organizuar një festë në pritje të “Big Brother”. “Reality” nis këtë të shtunë dhe për të dhënë detaje se çfarë do të shohim këtë edicion, organizatorët e spektaklit mblodhën VIP-a, gazetarë e ish-konkurrentë. Në mesin e tyre ishin edhe ish-çifti i famshmën i edicionit të parë, Olsi dhe Noçja. Ndonëse të ndarë prej vitesh, ata duket se kanë ruajtur miqësi me njëri-tjetrin. Paparaci i “revistawho.com” i ka fotografuar teksa ata qëndronin të veçuar duke biseduar kokë më kokë. Të dy ata janë tërhequr nga bota e spektaklit dhe për jetën e tyre dihet pak. Së fundmi përflitet se Noçja po jeton një histori të lumtur dashurie./ revistawho.com
