FOTO/ Pas dorëheqjes ish-kryeministri italian i përkushtohet shtëpisë, për pazar me gruan

Rreth një javë më parë Matteo Renzi dha zyrtarisht dorëheqjen nga posti i Kryeministrit të Italisë. E siç shihet ai është shkëputur krejtësisht nga “hallet” e politikës për t’iu përkushtuar familjes e shtëpisë. Ai ka dalë personalisht të bëjë pazaret e fundvitit bashkë me gruan Agnese në një supermarkatë në Pontassieve. Kjo përshkruhet si një skenë e pazakontë në mediat italiane e kapur nga paparacët e revistës “Chi” që kanë realizuar një set fotografik. Në të Renzi shfaqet teksa mbush karrocën me detergjentë, bukë të thekur, lëngje frutash dhe vezë prej çokollate si një “shtëpiak” i shkëlqyer. Kjo konsiderohet si një dëshmi për ndryshimin rrënjësor që ai ka vendosur të bëjë me jetën e tij.