Një festë e futbollistëve të Kombëtares verën e kaluar në një nga club-et e natës në Tiranë, kishte protagonistë kryesorë Taulant Xhakën dhe Ana Likën, aktoren e spektaklit “Pa limit” në “Top Channel”. Pas aludimeve nëse kishin qenë apo jo bashkë atë natë për të festuar në club në shoqërinë e njëri-tjetrit, thashethemet u pasuan nga fotot e tyre, ku shfaqeshinshumë pranë njëri-tjetrit.
Aktorja Anais Lika, e cila njihet edhe si mbesa e dy vajzave të njohura të showbiz-it, Inis dhe Ingrit Gjoni, u fotografua nga paparaci atë mbrëmje vere shumë pranë Taulantit, ku duket se edhe flirtoi. Taulanti u pa të shoqërohej me Anën gjatë mbrëmjes, derisa u larguan nga club-i me të njëjtën makinë.
Për këtë arsye, Anais Lika u vu në qendër të mediave, të cilat e etiketuan si e dashura e re e futbollistit të Kombëtares. Pas kësaj thashethemnaje ajo pranoi ftesën për të qenë në programin “Procesi sportiv”, ku nuk u shpëtoi pyetjeve për këtë temë. E ngacmuar nga drejtuesi i programit, Edi Manushi, për Taulantin ajo u përgjigj se “nuk them as po, as jo”- duke e përmbledhur përgjigjen e saj në shprehjen popullore “ku ka zë, s’është pa gjë”.
Për më shumë se gjashtë muaj nuk kishim dëgjuar asgjë rreth tyre, deri sa mesfushori i Kombëtares na prezanton të dashurën e re, një brune shumë seksi. Nuk dihet shumë rreth saj, dhe historisë së tyre, detaje që presim të na i zbulojë vetë Taulanti. Kjo është vajza e parë që ai e bën vetë publike në prag të Shën Valentinit, pas ndarjes nga modelja Dorina Podrimja, me të cilën ishte në prag të martesës./panorama.al
