A keni parë ndonjëherë një foto perfekte ushqimi dhe mendoni se si është e mundur që nuk mund të arrini kurrë të kapni një foto të tillë? Kemi zgjidhjen perfekte për ju me këto 8 këshilla nga disa persona që kanë një blog ushqimi.
1.Bëni kërkime fotosh fillimisht
“Në momentin kur nuk kam inspirim për foto, bëj disa kërkime në ‘Pinterest’ për të marrë ide të reja. Duke kërkuar, mund të shihni të gjitha mënyrat se si njerëzit e shohin një akullore të thjeshtë apo një ushqim tjetër. Zakonisht në fotot e mia, asnjë sfond nuk është i njëjtë. Kur studioni fotografi të ndryshme, mund t’ju ndihmojë të krijoni stilin tuaj”.
-Rebecca Firth, @displacedhousewife
2.Sigurohuni që ushqimet tuaja të jenë me ngjyra
“Kur bëni foto, sigurohuni që pjata juaj të jetë me shumë ngjyra. Nuk ka rëndësi çfarë, mund të jetë avokado, perime të ndryshme etj. Rëndësi ka të tërheqë vëmendjen e personave që i ndjekin”.
-Gaby Dalkin, @whatsgabycookin
3.Kthejeni telefonin me kokë poshtë kur kapni foto
Kthejeni telefonin kokë poshtë kur doni të kapni foto pasi mund të keni një këndvështrim më të mirë. Një tjetër ‘hile’ është të pastroni kamerën gjithmonë përpara se të kapni foto, nuk e keni idenë se sa e pistë mund të bëhet”.
– Monique Volz of @ambitiouskitchen
4.Fotografoni gjithçka me dritën e saj natyrale
“Përdorni dritën natyrale. Sa më shumë foto të bëni, aq më bukur do dalë fotoja. Provoni t’i fotografoni në periudha të ndryshme të ditës dhe në këndvështrime të ndryshme”.
– Maria Lichty, @twopeasandpod
5.Përdorni filtra
“Unë gjithmonë përdor filtra në fotot e ushqimeve të mia, sidomos për të rregulluar ngjyrën dhe për të nxjerrë në pah ushqimet. Kjo vlen shumë edhe për ushqimet e shëndetshme”.
– Gena Hamshaw of @thefullhelping
