Në ceremoninë e dasmës së vajzës së vogël të ish-Presidentit Bamir Topi e cila zhvillohet në fundjavë, është i ftuar edhe këngëtari i mirënjohur italian Albano Carrisi që ishte i pranishëm edhe në festën e djeshme. Artisti italian i cili para disa javësh ka marrë nënshtetësinë shqiptare është mik i afërt i Topit, shkruan “Shqiptarja.com”. Carrisi njihet për lidhjet e tij të afërta me Shqipërinë pasi babai i tij ishte ushtar gjatë luftës. Këngëtari më parë ka thënë se është rritur me histori nga Shqipëria dhe se babai i tij nuk kishte vrarë asnjë njeri në luftë ndërkohë që para se të vdiste ka kërkuar ta vizitojë edhe njëherë vendin tonë. Kujtojmë se edhe në dasmën e vajzës së madhe të kreut të FRD-së, Carrisi ishte po ashtu i ftuar special dhe këndoi gjatë ceremonisë.
