Një nga lajmet më të bujshme të javës që lamë pas, kishte për protagonist kantautorin e famshëm Pirro Çako. Siç raportuam ekskluzivisht në revistawho.com, lidhja e tij disavjeçare me bukuroshen shkodrane Sisi mori fund. E si për ironi të fatit, pikërisht në të njëjtën javë i biri prezantoi lidhjen e tij të dashurisë. Ditën e djeshme Anthony Çako publikoi në rrjetet sociale foto me të dashurën, një vajzë bionde shumë simpatike duke shkruar: “Unë dhe dashuria ime”. Dy të rinjtë në komente kanë marrë edhe komplimentet e sopranos me famë botërore Inva Mula e cila i shënon se janë shumë të bukur. Kujtojmë se djaloshi është fëmija i parë i Pirros dhe Invës nga martesa e tyre e cila përfundoi në divorc. Ai jeton në Paris me të ëmën.
