Gjithçka nisi me një video të publikuar në Facebook, ku prindërit e Rubi Ibarra ftuan të njohur dhe të panjohur në 15-vjetorin e vajzës së tyre. Por, askujt nuk ia priste mendja se kjo ftesë e hapur do të mblidhte në një qytet të Meksikës veriore mijëra persona. Ishte thuajse e pamundur që të kaloje mespërmes turmës, pasi ajo sa vinte dhe bëhej më e madhe. Madje, nga njoftimi në Facebook, në festë erdhën edhe njerëz nga Amerika. Shumë sponsorë ofruan mbulimin e të gjitha shpenzimeve të festës. Po ashtu, forca sigurie ndihmuan në mbarëvajtjen e saj.
