Disa pamje të frikshme që tregojnë skenën e dhomës së hotelit ku Kim Kardashian ishte viktimë e një grabitjeje të dhunshme prej 8.5 milionë paundësh janë publikuar së fundmi. Një televizion frances ka publikuar imazhet e skenës së krimit në Hôtel de Pourtalès si edhe një video ku grabitësit shihen rreth 3 milje larg hotelit të ulur në një kafene. Fotografitë tregojnë mjetet që janë përdorur për t’i mbyllur gojën dhe për t’i lidhur duart Kim ndërkohë që burrat e armatosur ishin maskuar si oficerë policie. Kardashian kishte mbetur e vetme në suitë ndërkohë që truproja e saj Pascal Duvier kishte shoqëruar dy motrat e Kim për tek një klubnate. Ajo ishte lidhur në banjon e hotelit ndërkohë që grabitësit morën disa bizhuteri të sajat me diamand.
