Rihanna sjell bashkëpunimin e saj më të fundit me markën luksoze zvicerane Chopard, me një koleksion të përbashkët bizhuterish. Këngëtarja, që së fundmi është kthyer edhe në një dizajnere mjaft e suksesshme, po punon me drejtoreshën kreative Caroline Scheufele për të krijuar një gamë të gjerë bizhuterish të cilat do të sjellin stilin urban chic dhe glamour, referuar asaj çka Rihanna ka thënë deri më tani. Ky është projekti më i fundit i BadGal Riri-t përsa i përket dizajnit, i cili pason bashkëpunimin me Puma-n me linjën e veshjeve Fenty X Puma by Rihanna dhe atë të këpucëve me Manolo Blahnik pranverën e kaluar. Koleksioni i ardhshëm i bizhuterive i quajtur Rihanna Loves Chopard, përfshin unaza minimaliste, vëthë, varëse e byzylykë prej ari dhe jeshile emeraldi. Një nga produktet, 18 karat flori i kuq dhe qeramikë jeshile mban një çmim prej 3.950 dollarë. E gjithë linja do të lançohet në Festivalin e Filmit në Cannes muajin që vjen./revistaclass
