FOTO/ Shpat Kasapi si “Ezel”-i, zbulohet angazhimi më i ri i këngëtarit

Kur pamë këtë foto na u kujtua menjëherë telenovela e famshme turke “Ezel” e cila pati shumë sukses në Shqipëri. Por kësaj here po njihemi me një “Ezel” shqiptar që në fakt është këngëtar. Ai është Shpat Kasapi i cili ka marrë një rol në kinematografinë turke por akoma nuk dimë shumë mbi personazhin e tij.  Ndonëse këngëtari është i ri në këtë fushë, ai ka vendosur ta sprovojë veten duke u bërë pjesë e një prej filmave më të ri, i cili do të publikohet këtë vit. “Jeto ndryshe” titullohet filmi, në të cilin Shpati do të luajë, xhirimet e të cilit janë kryer nëpër të gjithë Evropën, gjersa kanë përfunduar para pak ditësh në Stamboll të Turqisë. Siç shkruajnë mediat “online”, producent i këtij filmi është Dashnor Asllani, regjisor, skenarist dhe protagonist: Drilon Hoxha, gjersa pjesë e tij janë një kasë e madhe aktorësh të njohur si: Enver Petrovci, Kenan Gurgurovci, Ajsi Xhaxhaj etj. Në një fotografi të publikuar së fundmi në rrjetet sociale, Shpati shfaqet përkrah aktorëve të këtij filmi në përfundim të xhirimeve në Stamboll.