Duke u nisur nga ngjarja e Kuçovës, ku një adoleshent vrau qenin e tij me sëpatë, mbrëmë në “Top Show” u diskutua rreth këtij fenomeni. Në mesin e të ftuarve ishte e edhe prezantuesja Roza Lati. Në momentin që po transmetohej video, Roza nuk u përmbajt dhe shpërtheu në lot në transmetim të drejtëpërdrejtë. Ajo kishte shkuar në studion e Alban Dudushit bashkë me qenushin e saj. Lati shquhet jo vetëm për dashurinë e madhe që ka për kafshët, por edhe për kauzat që ngre në mbrojtje të tyre. Por këtë herë, më shumë se kurrë, një numër i madh personazhesh të famshëm, i janë bashkuar kauzës për mbrojtjen e miqve me 4 putra, duke kërkuar hartimin e miratimin e një projektligji në parlament. /revistawho.com
