Një ngjarje e rëndë ka ndodhur në familjen e aktorit shqiptar Shkëlqim Daja, i njohur për disa intepretime në filmat e socrealizmit gjatë viteve ’80. Daja i cili jeton prej shumë vitesh në emigracion në Kanada, ka humbur djalin e tij 15-vjeçar Denisin mbrëmjen e djeshme. Mësohet se i mituri i cili punonte në në një Mc Donalds, në Kanada është vrarë në orët e para të mëngjesit në afërsi të një stacioni treni. Autoritetet lokale bëjnë të ditur se vrasja e 15-vjeçarit shqiptar erdhi pas një përleshje mes dy grupeve të rinjsh. Dyshohet se konflikti mes të rinjve ka nisur që në diskotekë. Mësohet se autori është një 16-vjeçar i cili është arrestuar nga policia. Denisi ishte djalë i vetëm i aktorit Shkëlqim Daja. Ai ishte lojtar në ekipin e basketbollit që stërvitej nga Michael Burnett. Kjo është një goditje shumë e rëndë për prindërit e tij Çim dhe Kamela.
