Dalja e saj publike në “Top Show Magazine” dhe rrëfimi për ndryshimin e seksit, solli reagime të ashpra nga shumë shqiptarë ndaj transgjinores Linda. Pas bisedës në studio me Alban Dudushin, Albana Osmanin dhe Ervin Kurtin, rrëfimi i saj u bë viral dhe fotot e Lindës u shpërndanë në disa portale, ku sigurisht nuk munguan dhe komentet. Disave prej tyre Linda iu përgjigj në mënyrë të drejtpërdrejtë, ndërkohë që për të tjerët ka një mesazh përmes kësaj fotoje. Ajo ka stampuar simbolin kombëtar në dorën e saj, për të treguar se Shqipërinë e ka në gjak dhe se ajo që dëshiron më shumë është që ta shohë vendin e saj krah shteteve europiane, jo vetëm në kufij, por edhe në mendësi.
