FOTO/ ‘U mora peng nga shqiptarët’, si mashtroi biznesmeni holandez

Një biznesmen holandez nga Amsterdami, i cili ishte shpallur i zhdukur ditën e shtunë u gjet ditën e mërkurë nga policia në hotelin “Hilton” po në të njëjtin qytet. Sipas gazetës “Telegraaf”, biznesmeni Dick Peschar tha se ai ishte rrëmbyer nga mafia shqiptare, e cila më pas e la të lirë sipas tij, kur mësoi se po e kërkonte policia. Mirëpo, versioni i Peschar duket mjaft ekzotik. Kështu, Policia nisi kërkimet e tij dhe gjeti automjetin luksoz të braktisur në një rrugicë dhe nisi të kontrollonte për gjurmë gishtërinjsh. Ndërkohë, biznesmeni Peschar tha për mediat se e rrëmbyen shqiptarët por nuk dha më shumë detaje. “Ata janë njerëz për të cilët mund të flasësh pak. Me këtë punë merren, grabisin dhe vrasin, ç’mund të thuash tjetër”, tha ai. Mirëpo, Policia ka prova që shqiptarët nuk kanë gisht në rrëmbimin e tij. E gjithë historia është e sajuar. Madje, policia ka zbuluar një e-mail, që ai i ka dërguar një miku kur doli lajmi i pengmarrjes dhe i shkruante se nuk ishte marrë peng. Madje, biznesmeni Peschar është nën hetim, pasi dyshohet se është përfshirë në një skandal evazioni fiskal dhe pastrim parash.