Puntata e parë e “E Diela Shqiptare” në këtë sezon të ri televiziv, ka sjellë për të gjithë shikuesit veç rubrikave të përhershme edhe rikthimin në një rubrikë shumë të suksesshme të këtij spektakli, përmes së cilës trajtohet jeta e një artisti. Ajo që çeli siparin, duke u ulur përballë Ardit Gjebreas, ishte Aurela Gaçe. Kampionia në fuqi e “Kënga Magjike” iu përgjigj me humor e batuta të gjitha pyetjeve të Gjebreas, gjatë bisedës me të cilën u përfshi edhe një bashkëpunëtor i sukseseve të Aurelës, kompozitori Adrian Hila. Kulminacioni i spektaklit arriti kur në skenën e të dielës, doli për herë të parë në publik vajza e këngëtares, Grace, e cila këndoi këngën e parë që ka kënduar e ëma, “Makinisti”. Grace tregoi që ka talent në muzikë dhe që pse jo, një ditë edhe ajo mund të bëhet një këngëtare e madhe si mami i vet… Show i të dielës u mbyll me emocione të bukura, të cilat Aurela i përjetoi për herë të parë në ekran. Pasi përveçse krah Grace-t bukuroshe, ajo kishte me vete në këtë intervistë edhe vajzën që pritet të lindë në fund të këtij viti.
[fbvideo link=”https://www.facebook.com/anamedia.al/videos/800278450115201/” width=”500″ height=”400″ onlyvideo=”1″]
