Lindita Halimi, këngëtarja që këtë vit përfaqëson Shqipërinë në Eurovizion, dje ka realizuar provën e saj të parë në skenën gjigante në Ukrainë, transmeton KultPlus. Si çdo vit janë 35 gazetarë nga ekipi i gazetarëve në sallë që japin vlerësimet e tyre mbi secilën performancë, në fund të performancave. Esctoday ka publikuar tabelën ku Lindita Halimi me performancën e saj radhitet e parafundit nga tetë performancat e djeshme, me vetëm 9 pikë, duke lënë pas Belgjikën.
Në anën tjetër komentet janë pozitive për performancën dhe për paraqitjen skenike, por duket se gazetarëve kënga nuk u ka pëlqyer shumë. Lindita ka realizuar dje edhe konferencë për media, intervistat me media të ndryshme ndërsa ka zbuluar se do të vishet në të bardhë në performancën e saj në Eurovizion.
Lindita do të realizojë edhe një provë tjetër para se të ngjitet në skenën e Eurovizionit, me datë 9 maj në Ukrainë.
