NASA ka njoftuar zbulimin e një sistemi diellor me 7 planete të ngjashëm me Tokën, 6 prej të cilëve ndodhen në një zonë ku temperatura është nga 0 në 100 gradë. Ky është zbulimi më i madh në histori të një sistemi planetar me shumë “sozi” të Tokës. Ylli i quajtur “Trappist-1” është 39 vite dritë larg. Zbulimi i jashtëzakonshëm publikuar në revistën famoze “Nature” u bë falë një grupi ndërkombëtar kërkuesish. Planetet rrotullohen përqark Trappist-1, shumë më i vogël e i dobët se dielli ynë. “Është një sistem planetar i shkëlqyer jo vetëm sepse planetet e tij janë të shumtë, por sepse të gjithë janë çuditërisht të ngjashëm me Tokën”, shpjegon koordinatori i kërkimit Michael Gillon. Ata zbuluan se tre nga planetet ndodhen në zonën e banueshme, pra në distancën e duhur për të pasur ujë dhe me shumë gjasë edhe jetë. Planetet pranë yllit kanë me shumë gjasë një përbërje shkëmbore./ revistawho.com
