Prej rreth 2 vitesh tashmë Endrit Mërtiri po bashkëpunon me stilistin e njohur turk, Tarik Ediz, për promovimin e fustaneve të nusërisë dhe ballove. Fotografi shqiptar u zgjodh në 2017 nga Ediz për t’u bërë pjesë e stafit të tij të punës. Falë talentit të tij, Endriti ka arritur të bëhet shumë i njohur në mbarë botën, tanimë edhe në Amerikë. Së fundmi fotografi shqiptar ka treguar se një nga fotot e tij për Tarik Ediz është shfaqur në ‘billboard-in’ e madh në New York. Puna e tyre është prezantuar në ‘billboard’ për fushatën e “New York Bridal Fashion Week Spring ’20”. Në foton e realizuar nga Mërtiri shfaqet modelja shqiptare Melisa Toska, një nga të përzgjedhurat nga fotografi për Tarik Ediz.
Menjëherë pasi Endrit Mërtiri ndau lajmin, miqtë dhe ndjekësit e tij nuk kanë ngurruar ta përgëzojnë për këtë arritje. Tashmë të gjithë shqiptarët duhen të ndjehen krenarë që talentet tona po promovohen në mbarë botën. /revistawho.com
