Fotografi Renuar Locaj, në bashkëpunime ndërkombëtare

Çdo ditë e më shumë dëgjojmë për shqiptarë të talentuar që çajnë në arenën ndërkombëtare. I tillë është edhe rasti i fotografit të njohur shqiptar, Renuar Locaj. Pas bashkëpunimeve me shumë prej yjeve të ekranit shqiptar në revista e fushata publicitare, Locaj ka nisur të bashkëpunojë me agjenci të huaja për realizimin e editorialeve në revista të ndryshme. Vetëm para pak ditësh ai ka publikuar vetë disa foto nga fotosesione të realizuara në Itali për marka veshjesh dhe aksesorësh të shtrenjtë, të cilat do të publikohen së shpejti. Rastësia e ka dashur që edhe këtë herë të kishte pranë një shqiptare në ekipin me të cilin ka bashkëpunuar. Nga ana tjetër mësohet se Locaj po bashkëpunon edhe me stilistë dhe revista përtej oqeanit, për llogari të të cilëve ka kryer disa punë. Ky është një tjetër rast kur ne ndihemi krenarë.