Pak ditë më parë në të gjitha mediat rozë u përhap me shpejtësi një video nga prapaskenat e ‘Op Labi Party’, në të cilën Genc Prelvukaj pranonte lidhjen me Eni Koçin. “Është e vërtetë. E keni parë që në hyrje. Kemi zgjedhur një event si ky që të shfaqemi publikisht bashkë”, – u shpreh Genci. Eni vendosi të qëndronte e heshtur pas kësaj deklarate, por ditën e sotme edhe ajo ka vendosur të flasë publikisht për lidhjen, me një fotografi dhe pak fjalë. Ajo ka publikuar në ‘Instagram’ një foto nga festa e ‘Op Labi Party’, në të cilën shfaqet e lumtur përkrah Gencit.
“Jeto, dashuro, qesh”, – ka shkruar këngëtarja bashkangjitur fotos. Menjëherë të gjithë ndjekësit kanë shpërthyer në komente që më në fund ata bënë publike gjithçka. Pavarësisht se Eni dhe Genci kanë shumë fotografi bashkë, për shkak të bashkëpunimeve të shumta në muzikë, kjo mund të cilësohet si fotoja e parë zyrtare si çift. /revistawho.com
