Baritoni i suksesshëm i skenave më prestigjioze të botës Gëzim Myshketa, ka një miqësi të vjetër me kantautorin më të suksesshëm të muzikës shqiptare, Florian Mumajesi. Miqësia e tyre ka nisur në kohët kur dy djemtë ishin ende adoleshentë dhe asokohe akoma nuk e dinin sa të famshëm do të bëheshin në të ardhmen. Gëzimi dhe Flori e kanë ruajtur shoqërinë dhe e vazhdojnë edhe sot, megjithëse aktivitetet e tyre janë në shtete të ndryshme. Përmes një poze të viteve të adoleshencës, baritoni nga Durrësi ka “përshëndetur” shokun e tij Mumajesi, e madje e ka “kërcënuar”. “Duke u transferuar në një shtëpi tjetër, gjeta arkivën time me foto të vjetra. Nga sonte do filloj të kërcënoj ca njerëz. Veten time të parin”, shkruan Gëzimi midis të qeshurash. Në këtë pozë simpatike është edhe Eriost Ballushi, i cili bashkë me Florin dhe Sonin kishin grupin e famshëm “The Dreams”.
Dev by Techzero1.com