Noizy duket se ka ndërmend të rikthehet fuqishëm në muzikë, të paktën kështu duket nisur nga një foto që ka publikuar në Instagram ku ngre dyshime se mund të jetë duke nënshkruar një kontratë me Universal Music.
Dimë që Noyzi është artisti i rekordeve në Shqipëri, ku numëron më shumë se 20 këngë të kthyera në hite, ndaj dhe nuk përbën ndonjë çudi nëse do ta shohim atë edhe në tregun ndërkombëtar përkrah emrave të njohur të muzikës botërore. Ai këto shenja i ka dhënë edhe më parë në fotot me repere të njohur ndërkombëtar, por vetëm tani ndoshta ëndrra e tij po bëhet realitet.
Me Universal Music ka nënshkruar edhe Era Istrefi pas suksesit të madh që pati kënga e saj Bonbon, por pjesë e këtij labeli janë artistë të njohur të skenës botërore si Drake, Selena Gomez dhe artistë shumë të njohur ndërkombëtar.
Gjithsesi Noizy nuk ka thënë asgjë sa i takon kontratës së re, për të zbuluar më shumë mbi këtë do të na duhet të presim…
