Në prag të festave, të shumtë janë ata që realizojnë albumin më të ëmbël të vitit, atë të familjes pranë dekorimeve shumëngjyrëshe të Krishtlindjes. Foto shumë të bukura ka sjellë ditën e sotme këngëtarja Teuta Kurti e cila tashmë është nënë e lumtur e tri fëmijëve, vajzës së parë dhe dy binjakëve më të vegjël. Artistja kosovare ndonëse nënë me kohë të plotë, asnjëherë nuk është shkëputur përfundimisht nga muzika. E famshme fillimisht pas spektaklit që zbulonte dikur talentet “Ethet e së premtes”, është e kuptueshme se Kurti nuk është më aq aktive në prodhimin e këngëve të reja. Të paktën edhe për ca kohë, sa të rriten edhe pak vogëlushët e saj bukuroshë.
