Ishte rreth 20 vjeçe kur fillloi të prezantojë “Big Brother”-in. Askush nuk tha për Arbana Osmanin “Uau çfarë bukurie!!” Jo, ajo kishte armë të tjera për ta bërë publikun për vete: Simpatinë. Si gjithmonë modeste dhe autoironike, me një elokuencë radiofonike që në televizion duhet patjetër, të gjitha këto bënë që Arbana të jetë sot një nga prezantueset më të suksesshme, shkruan sot “Panorama”.
Duke parë fotot e vjetra, shohim që Arbana të paktën në 10 vitet e fundit nuk ka asnjë ndryshim në pamje. Me përjashtim të flokëve pak më të verdha, Arbana ruan të njëjtat linja të holla, ndërkohë që nuk ka bërë as edhe një modifikim në pamjen e saj, përfshirë edhe dhëmbët, të cilët edhe pse nuk i ka perfektë, përsëri nuk i ka rregulluar. E megjithatë Arbana është shumë e dashur nga publiku dhe kjo është më e rëndësishmja për një personazh ekrani.
