Sapo ka mbaruar një sezon tjetër të suksesshëm me serialin “Cesur ve Guzel” (Guxim dhe Bukuri), dhe kjo periudhë vere është totalisht pushim për Brat Pitt-in e Turqisë. Por kuptohet që aparatët i ka gjithmonë pas vetes.
Ditët e fundit, Kivanc Tatlıtug nuk është parë me bashkëshorten e tij, siç mund të mendohej, por me një prej miqve më të mirë, aktorin Çagatay Ulusoy. Pas mbarimit të sezonit, dy artistët nuk janë ndarë nga njëri-tjetri, shkruajnë mediat turke. Pasi përfunduan një tur artistik në Bozburun, dy aktorët kanë darkuar në Yalikavak Marina, ku edhe janë fotografuar. Më vonë, janë parë edhe duke bërë pazar në një dyqan, nga i cili kanë dalë me disa sende peshkimi./ Class
