Prej disa ditësh, moderatorja Rudina Magjistari është rikthyer në ekran pas një viti shkëputjeje. Ajo shfaqet në programin e saj të përditshëm çdo pasdite në televizionin Klan. Në këtë sezon të ri, ra jo pak në sy forma e mirë fizike e Magjistarit e cila është bërë prej pak kohësh nënë. Por edhe diçka tjetër nuk i ka shpëtuar syrit tonë kurioz. Ditët që ka veshur fustane, Rudina na ka zbuluar edhe një sekret të vogël. Ajo ka një tatuazh në këmbën e majtë. Totoo-ja i prezantuezes është i vogël dhe për aq sa ne arrijmë ta shquajmë, duket sikur shkruan “AS”. E në fakt janë iniciale që nuk përkojnë mE asnjërin nga emrat e njerëzve të saj të dashur, që ne i njohim publikisht si partneri Xhavit Bajrami apo e bija Mia. Inicialet e kujt do të ketë gdhendur Rudina në lëkurë për t’i pasur aty përjetë?! Ose ndoshta është thjesht ndonjë figurë minimaliste që distanca nuk na lejon ta shohim siç duhet.
