FOTOT/ Del në shitje për 85 mln dollarë vila ‘Thriller’, shtëpia ku Michael Jackson kaloi vitet më të vështira të jetës

Më shumë se sa një vilë e thjeshtë, për fansat e Mbretit të Pop’it Michael Jackson është një vend i shenjtë. “Thriller Villa” ishte shtëpia ku ylli i muzikës botërore kaloi vitet më të vështira të ekzistencës së tij. Ai qëndroi në të deri pak javë para se të ndërronte jetë, kur më 25 qershor të 2009-tës gjeti vdekjen në Los Angeles gjatë provave për një spektakël. Prej asaj dite të trishtë kanë kaluar plot 7 vite dhe ndërtesa prestigjioze tanimë ka dalë në treg për 85 milionë dollarë. Rezidenca përbëhet nga 2555 metra katrore, të ndara në 7 dhoma gjumi prej të cilave një “master suite” e veshur me pasqyra ku artisti provonte koreografitë e tij mitike. Po ashtu vila ka 12 banjo, një kupolë për lutje e përshtatur si një dhomë teatrale dhe një zonë ndenjeje fantastike me oxhak, pjesa e preferuar e Jackson me dy kuzhina e dy bare.